Ресторатор Лазиз Ғуломов Тошкентнинг Шаҳрисабз кўчасидаги кафеларнинг ёзги террасалари бузилаётгани ҳақида маълум қилди

Ўзбекистон, Тошкент – Batafsil.uz ЯА. Ресторатор Лазиз Ғуломов Тошкентнинг Шаҳрисабз кўчасидаги Giotto, Teppanyaki, Pie Republic, Sultan Saray, Belle Maman кафеларининг ёзги террасалари бузилиши ҳақида маълум қилди. Бундан ташқари, бу ерда велосипед йўлаклари ва йўлакчаларга халақит бераётган чинорлар кесиб ташланмоқда. Бу ҳақида мухбиримиз маълум қилмоқда.

Pie Republic ва "Пастернак" асосчиларидан бири Лазиз Ғуломов ўзининг Facebookдаги саҳифасида Мирзо-Улуғбек тумани ҳокимлиги кафе эгаларини ёзги террасаларини бузишга мажбурламоқда. Тадбиркорнинг таъкидлашича, террасалар ноқонуний қурилма бўлсада, туман маъмурияти террасаларни қонуний равишда рўйхатдан ўтказиш имкониятини бермаган.

"Биз бир неча бор рухсат сўраб мурожаат қилган туман ҳокимияти ноқонуний қурилиш учун бизни судга берди. Яъни, умумий овқатланиш соҳаси деярли ўлдирилган бир пайтда бир километрлик велосипед йўллари муҳим бўлиб қолмоқда", - деб ёзмоқда Ғуломов.

Унинг сўзларига кўра, ёзги террасаларининг бузилиши ҳақида 24 июнь куни маълум бўлган. Кафега Мирзо-Улуғбек тумани хокимияти, прокуратура, ИИБ ва солиқ идораси вакиллари ташриф буюриб, террасаларни ўз кучлари билан бузиш тўғрисида кўрсатма қолдирганлар.

“Кафе эгалари ҳокимият вакилларига ЖССТ тавсиясига кўра пандемия пайтида ёзги очиқ верандалар энг хавфсиз жой эканлигини эслатиб, ушбу муаммони ҳал қилишни сўрашди. Бироқ, идоралар вакиллари "ҳеч ким бу муаммони ҳал қилмайди ва ёрдам бермайди, чунки буйруқ шаҳар маъмуриятидан келган" деб таъқидлашди ва тадбиркорларга ёрдам беришдан    бош тортишди”, - дея ҳикоя қилмоқда Ғуломов.

"Биз ёзги террасаларимизни ҳимоя қила олмаймиз. Чунки улар учун рухсат олишнинг шаффоф механизми мавжуд эмас. Шаҳарда биронта ҳам муассаса уни олиб билганича йўқ. Мен 30га яқин рестораторлардан сўрадим. Ҳеч кимнинг хабари йўқ.

Ҳа, биз ишлаётган жойни ободонлаштириш, ахлатни тозалаш, асфальт ётқизиш, ахлат қутиларини ўрнатиш, шаҳар марказида маданиятли автотураргоҳ ташкил этиш учун қонунбузарликка йўл қўйдик. Ҳа, биз бу жойга кириш ёқимли бўлиши, яқин атрофдаги бешта меҳмонхонадан келган чет эллик сайёҳлар оқимидан уялмаслик учун қоидабузарликни қилдик.

Агарда Мирзо-Улуғбек тумани ҳокимияти бизнинг мурожаатларимизга жавоб бериб, буни қандай қилиш кераклигини айтган бўлса эди, қонуний равишда рухсат олган бўлардик. Муассаса эгаларининг ҳеч бири қонуний террасалар ва солиқларга қарши эмас. Аммо ҳеч биримиз, афсуски, ҳеч бўлмаганда шаҳар ҳокими билан учрашишга келиша олмадик.

Мулоқот йўқ. Қарор бир томонлама қабул қилинди ”, - дея хулоса қилди ресторатор.

Бундан ташқари, Лазиз Ғуломов шаҳар марказида чинорлар кесиб ташланаётгани ҳақида айтиб ўтди. Дарахтларни кесиш учун рухсатнома Мирзо- Улуғбек тумани ҳокимининг ўринбосари томонидан имзоланган.

Эслатиб ўтамизки, май ойининг ўрталарида ресторатор Лазиз Ғуломов ҳукуматни инқироз шароитида бўлган умумий овқатланиш соҳасига зудлик билан ёрдам бериш, шу жумладан, бир ярим йилга солиқдан озод қилишга чақирган эди.