Ўзбекистон, Тошкент - Batafsil.uz. Рус тилидан уч марта имтиҳондан ўта олмагани учун Россияда ишлаш учун рухсатнома расмийлаштира олмаган Ўзбекистон фуқароси ўзбекистонлик дипломатлар кўмагида Ватанга қайтарилди.
Аёл Челябинск вилоятига жорий йилнинг май ойида "Русские пряники" корхонасида вақтинчалик ишлаш учун келган. Дастлаб унинг кўчиб ўтиши, яшаши ва ҳужжатларни расмийлаштириши учун иш берувчи пул тўлаган.
Аммо Россияда меҳнат фаолиятини қонунийлаштириш учун рус тилидан тест топшириш керак. Сертификат олиш учун бир неча марта муваффақиятсиз уринишлардан сўнг, аёл қийин аҳволга тушиб қолди - ҳужжатларсиз, даромадсиз ва Ўзбекистонга мустақил равишда қайтиш имкониятига эга эмас.
Ўзбекистоннинг Екатеринбургдаги Бош консулхонасига ёрдам сўраб мурожаат қилганида, у қўллаб-қувватланди. Дипломатлар уни Екатеринбургга етказишни ташкил этишди, у ерда ўзбек диаспораси иштирокида самолёт чиптаси сотиб олинди. 19 июль куни у Тошкентга қайтиб келди.
Изоҳлар мавжуд емас