Ўзбекистон, Тошкент – Batafsil.uz. Синоптиклар Тошкент вилояти ва Фарғона водийси ҳудудида юзага келиши мумкин бўлган сел ва тошқинлар ҳақида зудлик билан огоҳлантиришган. Бу ҳақда мухбиримиз хабар бермоқда.
Ўзгидромет маълумотларига кўра, 11, 13 ва 14 октябрь кунлари кутилаётган ёмғирлар муносабати билан Ўзбекистоннинг тоғ олди ва тоғли ҳудудларида сел ва тошқин ҳодисалари юз бериши мумкин.
Республиканинг айрим ҳудудларида сув тошқини хавфи юзага келиши мумкин.
Хусусан, Тошкент вилоятида - Оҳангарон, Бўстонлиқ, Паркент, Пскент, Ўртачирчиқ, Юқоричирчиқ туманлари, Ангрен ва Олмалиқ шаҳарлари бўйича.
Наманган вилоятида-Пор, Косонсой, Чортоқ, Чуст, Наманган ва Янгиқўрғон туманлари бўйича.
Фарғона вилоятида - Сўх, Шоҳимардон, Фарғона ва Бешариқ туманлари бўйича.
Андижон вилоятида - Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Мархамат туманлари ва Хонобод шаҳри бўйича.
Тоғ олди ва тоғли ҳудудларда яшовчи фуқаролар, дам олувчилар ва тоғли ҳудудларга борадиган ҳайдовчилар эҳтиёт чораларини кўришлари лозим. Ўзбекистон ҳудудида ёмғир суви тўпланиши мумкин, бу эса ҳудудларнинг сув босишига олиб келиши мумкин.
Изоҳлар мавжуд емас