Соғлиқни сақлаш вазирлиги COVID-19 статистикаси бўйича тавофутни тушунтириб берди. Вазирлик фақат 100 фоиз ковидга чалинганларни ҳисобга олаётган экан
Жамият

Соғлиқни сақлаш вазирлиги COVID-19 статистикаси бўйича тавофутни тушунтириб берди. Вазирлик фақат 100 фоиз ковидга чалинганларни ҳисобга олаётган экан

400

Ўзбекистон, Тошкент – Batafsil.uz.  Соғлиқни сақлаш вазирлиги COVID-19 статистикаси бўйича тафовутни тушунтириб берди. Мухбиримиз хабар қилишича, вазирлик фақат 100 фоиз ковидга чалинганларни ҳисобга олаётган экан.   

Эслатиб ўтамизки, бугун Тошкентда Шавкат Мирзиёев томонидан видеоселектор йиғилиши ўтказилиб, унда Ўзбекистонда коронавирусли беморлар билан боғлиқ рақамлар эълон қилинди. Қизиғи шундаки, бу рақамлар Соғлиқни сақлаш вазирлиги эълон қилган расмий статистикадан қарийб уч баробар кўпдир.

Масалан, давлат раҳбари матбуот-хизмати маълумотларига кўра, бугунги кунда ковидни даволашга ихтисослашган муассасаларда 6570 бемор даволанмоқда. Шу билан бирга, Соғлиқни сақлаш вазирлиги билдиришича, 17-ноябрь куни соат 19:00 ҳолатида мамлакатда 2123 нафар бемор коронавирусдан даволанмоқда.

Мазкур тафовутни вазирлик қуйидагича изоҳлади.

"Қайд етилган 6570 бемор орасида ўткир респиратор касалликлари мавжуд бўлган, коронавирус ва оғир пневмонияга гумон қилинганлар ҳамда вирус борлиги тасдиқланмаганлар мавжуд. Коронавирус бўйича статистикага фақат махсус лабораторияда тиббий таҳлиллар орқали касаллиги тасдиқланган беморлар киради", - дея таъкидлади вазирлик.

Соғлиқни сақлаш вазирлиги маълум қилишича, коронавирус бўйича статистикага касаллик ёки унинг алоҳида аломатларига шубҳа қилинган беморлар киритилмайди. Бундан ташқари, пневмония билан оғриган ёки унга гумон қилинганлар бу рақамларда акс этмайди.

"Мамлакатнинг қатор ҳудудларида ташкил этилган ва юқумли касалликларга ихтисослашган тақсимлаш марказларида бундай беморларни стационар даволаш учун барча зарур шароитлар яратилган. Агар касаллик тасдиқланса, бундай беморлар дарҳол расмий статистикага киритилади ва юқумли касалликлар шифохоналарига юборилади", - дейилмоқда вазирлик берган хабарда.

Шундай қилиб, Соғлиқни сақлаш вазирлиги маълум қилишича, статистикадаги тафовутлар бошқа касалликлардан даволанаётган кўп сонли беморларнинг борлиги билан изоҳланади.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+