Ўзбекистон, Тошкент - Batafsil.uz. 2026 йил 15 сентябрдан бошлаб Ўзбекистон фуқаролари Таиландга сафар қилиш учун олдиндан кириш визасини расмийлаштириши керак бўлади. Бунда электрон аризани тўлдиргандан сўнг виза йиғимини тўлаш учун Таиланднинг Москвадаги элчихонасига шахсан бориш талаб этилади.
Ўзгаришлар Ўзбекистонни ҳам ўз ичига олган қатор давлатлар фуқаролари учун амал қилган визасиз тартибнинг бекор қилиниши билан боғлиқ. Тегишли қарор Таиланд ҳукумати томонидан қабул қилинганди.
Ҳужжатда қайд этилишича, мазкур қарор миграция қоидаларини жорий вазиятга мослаштириш, миллий хавфсизликни мустаҳкамлаш ҳамда туристлар оқимини янада самарали бошқариш мақсадида қабул қилинган.
Аввалроқ Ўзбекистон фуқаролари Таиландда 60 кунгача визасиз қолиши мумкин эди. Янги тартиб кучга киргач, мамлакатга боришни режалаштирган фуқаролар сафардан олдин виза олиши лозим бўлади.
Виза расмийлаштириш учун дастлаб Таиланднинг электрон виза портали орқали онлайн ариза тўлдириш талаб этилади. Шундан кейин виза йиғимини тўлаш учун Таиланднинг Москвадаги элчихонасига шахсан мурожаат қилиш керак бўлади.
Бу тартиб ўзбекистонликлар учун Таиландга сафар қилиш жараёнини мураккаблаштиради, чунки виза учун тўловни Ўзбекистонда эмас, Москвада амалга оширишга тўғри келади.
Изоҳлар мавжуд емас