Тошкент шаҳар ИИББ лифтда қизга ҳужум қилган эркак қидирилмаётганликда айбланди
Жамият

Тошкент шаҳар ИИББ лифтда қизга ҳужум қилган эркак қидирилмаётганликда айбланди

468

Ўзбекистон, Тошкент - Batafsil.uz ЯА. Тошкент шаҳар ИИББ  лифтда қизга  ҳужум қилган  эркак қидирилмаётганликда айбланди. Мухбиримиз хабар беришича, бошқарма ўз ўрнида бу айбларни инкор қилган.  

Ҳужум 15-февраль кундузги пайтда  Чилонзор тумани 18-мавзесида  содир бўлган. Кўп қаватли бинонинг лифтида бир эркак қизга ҳужум қилган. У қичқира бошлаганидан  сўнг  жиноятчи қочиб кетган. Бу ҳақида Facebook ижтимоий тармоғида 4-сонли уй сардори ва "Меҳрижон" хусусий уй-жой  мулкдорлари  ширкати раиси Альбина Харисова маълум қилган.

 Унинг қўшимча қилишича, профилактика инспектори воқеа жойига ярим соатдан кейин этиб келган, видеокамераларни кўриб чиққан, ҳужум  қилган  эркак кадрга  тушган пайтни суратга олган ва бошқа чора кўрмасдан кетган.

Пойтахт Ички ишлар Бош бошқармаси бу айблар асоссиз эканлиги ва иш юзасидан тергов бошлангани, шунингдек,  воқеа ҳақиқатан қандай бўлганини айтиб берди.

Кундузи  12лар атрофида  Албина Харисова Чилонзор тумани ИИБ 5-сонли ички ишлар бўлимининг профилактика инспектори лейтенант Соҳиб Юсупов билан боғланиб, қизнинг онаси айтганига асосланиб  ҳужум ҳақида хабар берган. Л.С билан биргаликда инспектор камералардан ёзувларни текширган ва  эркакнинг суратини топиб олиб,  воқеа бўйича  5-сонли ички ишлар бўлими раҳбариятига хабар берган.

Бўлим бошлиғи подполковник Д. Мадьяров ўша куннинг ўзида  Чилонзор тумани ички ишлар бўлимларига эркакнинг  белгиларини  тарқатиш  тўғрисида кўрсатма берган.

Бироқ, қиз вақт йўқлигини айтиб ҳодиса юзасидан ариза ёзишдан бош тортган. Шундай бўлсада,  Альбина Харисова ижтимоий тармоқ  орқали  ички ишлар ходимлари  ҳатти-ҳаракати  бўйича шикоят қилган. Тажовузкорга қарши қонуний чора кўриш учун ариза ёзиш зарурлиги Л.С.га тушунтирилгандан сўнг,  жабрланган қиз бунга рози бўлган.

Ҳуқуқни муҳофаза қилиш органлари гумондорни аниқлаш ва уни ҳибсга олиш бўйича иш олиб  боришмоқда. Суратдаги одамни танийдиганлардан 71-232-30-40, 71-232-40-50 ёки 102 рақамига қўнғироқ қилишлари сўралади. Эркакнинг тахминий ёши 25-35 ёш, бўйи 170-180 см, сочи қора. Ўша куни у қизил тасмали қора трико, қора рангдаги куртка ва кулранг кроссовкада бўлган.

Шунингдек  ИИББ пойтахт аҳолисидан ижтимоий тармоқларда ёзишдан кўра, кўрсатилган телефонлар  орқали  қонунбузарлик ҳақида хабар беришларини илтимос қилади. "Бу ҳолатда  ички ишлар органларининг энг яқин бўлинмаси воқеа жойига 5-6 дақиқада этиб келади. Ижтимоий тармоқларда нашр этиш эса шунчаки муҳокама қилинади ва  нотўғри  маълумотлар ва уйдирма тафсилотлар билан тўлдирилади", - дея таъкидлашди бошқарма  вакиллари.   


Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+