Ўзбекистон, Тошкент - Batafsil.uz. Ижтимоий тармоқларда Тошкент йўлларида соатига 100 километрдан юқори тезликда мотоцикл ва унинг ортидан патруль машинаси ҳаракатланаётгани акс этган видео тарқалди. Фойдаланувчилар содир бўлаётган воқеаларни йўл таъқиби сифатида қабул қилишди, аммо вазият бошқача эканлиги маълум бўлди.
Пойтахт Йўл ҳаракати хавфсизлиги бошқармасидан маълум қилишларича, гап таъқиб қилиш ҳақида эмас, балки кузатиб бориш ҳақида кетмоқда. Вазирлик маълумотларига кўра, 10 июль куни мотоцикл ҳайдовчисига нисбатан маъмурий баённома тузилган - унда керакли ҳужжатлар бўлмаган. Рулда аёл киши бўлгани учун инспекторлар унга транспорт воситасини ўзи жарима майдончасига олиб боришига рухсат беришган ва манзилга кузатиб қўйишган.
Бундан чиқди, патруль ва мотоцикл иштирокидаги видео таъқиб намойиши эмас, балки стандарт процедуранинг бир қисми экан-да? Ҳуқуқбузарнинг ҳуқуқ-тартибот идоралари ходимлари кўз ўнгида тезликни оширгани ҳақидаги савол жавобсиз қолмоқда.
Изоҳлар мавжуд емас