Ўзбекистон, Тошкент - Batafsil.uz. Тошкент вилоятида аҳоли учун ичимлик суви тарифи 2600 сўмдан 3100 сўмга, оқова сув хизмати тарифи эса 1300 сўмдан 1500 сўмга оширилади. Янги тарифлар 1 октябрдан кучга киради.
Тегишли тарифлар Тошкент вилояти Кенгаши халқ депутатларининг қарори билан тасдиқланган. Янги нархлар 1 куб метр сув учун ҚҚСсиз ҳисобланган.
Жисмоний шахслар учун ичимлик сувининг 1 куб метри 3100 сўм этиб белгиланган. Оқова сув хизмати учун эса 1500 сўм тўланади.
Бюджет ва тижорат ташкилотлари учун ҳам тарифлар ўзгаради. Улар учун ичимлик сувининг 1 куб метри 16 минг сўм, оқова сув хизмати эса 4 минг сўм бўлади. Амалда бу тарифлар мос равишда 15 минг ва 3 минг сўмни ташкил этган.
Тошкент вилоятида совуқ сув ва канализация тарифлари сўнгги марта 2025 йил ёзида оширилган эди. Ўшанда аҳоли учун тарифлар 30 фоизга, бюджет ташкилотлари учун эса 60 фоизга кўтарилган.
Июль ойи бошидан Бухоро вилоятида совуқ сув ва оқова хизматлари нархлари ҳам ўзгарганди. Бу ҳақда вилоят ҳокимлиги матбуот хизмати хабар берган эди.
Изоҳлар мавжуд емас