Тошкентда кўчат эмас, катта дарахтлар экилади. Италия ва Туркиядан 10 мингта дарахт олиб келинган
Жамият

Тошкентда кўчат эмас, катта дарахтлар экилади. Италия ва Туркиядан 10 мингта дарахт олиб келинган

507

Ўзбекистон, Тошкент – Batafsil.uz. Жорий йилнинг баҳорида Тошкентнинг 21та кўчаси бўйлаб манзарали ва мевали дарахтлар экилади. Бу борада янги ёндашув қўлланилади – кўчат эмас, балким катта дарахтлар экилиши кўзда тутилган. Бу ҳақда мухбиримиз хабар бермоқда.

“Лойиҳанинг асосий ғояси шундан иборатки, кўкаламзорлаштириш масаласига жаҳон стандартлари асосида ёндашилади. Масалан, айни пайтда Тошкентда кўчатлар экилмоқда. Дунёда эса бошқа амалиёт қўлланилади – кўчатлар махсус жойларда экилиб, маълум ёшга киргунига қадар ўша ерда сақланади. Шаҳарда эса катта дарахтлар экилади. Шунда аҳоли сояда дам олиш имкониятига эга бўлади”, - деди Тошкент шаҳар ҳокимлиги ходими, Flowers Garden компанияси мутахассиси Мурат Эрмайдан.

Унинг сўзларига кўра Ўзбекистонда дарахтлар ёшини ҳисоблашади. Масалан,   беш ёшли шумтол ёки йигирма ёшли эман, дейишади.

“Бундай ёндашув нотўғри. Дарахт поясининг бўйи ва ҳажми муҳимдир. Соғлом дарахтлар навига қараб халқаро стандартларга мувофиқ бўлиши керак. Италия ва Туркиядан 10 мингта дарахт келтирдик. Бу навлар албатта Ўзбекистон заминида яхши ўсади”, - деди у.

Бундан ташқари, заранг, шумтол, каштан, сирень, чинор, лола дарахти, олма, олча, гилос, липа ва бошқаларни экиш режалаштирилган.

Илдиз мустахкамлиги ва поянинг тик ўсиши учун дарахтлар “репикаж” усули билан экилади. Кўкаламзорлаштириш ишлари Кичик халқа йўли, Мустақиллик, Навоий, Ислом Каримов, Афросиёб, Шахрисабз, Ойбек ва Бобур кўчаларида олиб борилади.

Ўзбекистон бўйлаб янгиликлар: Telegram-каналга уланинг 

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...
18+