Ўзбекистон, Тошкент – Batafsil.uz. Тошкентда кўп қаватли уйларнинг кириш эшикларига дори қуттичаси ичидаги препаратлар яроқлилик муддати, шунингдек, мамлакат бўйлаб камида 19 болани ўлдирган Marion Biotech ҳинд дори-дармонларининг мавжудлигини текширишни сўраб огоҳлантиришлар жойлаштирила бошланган. Бу ҳақда мухбиримиз хабар бермоқда.
“Илтимос, дорилар қуттичасини текшириб кўринг, муддати ўтганларни йўқотинг. Quramax Medical фирмаси ишлаб чиқарган "Док 1 Макс", "Кюразит" сиропи, "Цинепар Кид Лайт", "Амбронол" сиропи, "НОЛгрипп" таблетка ва сиропи, "Травамакс" сиропи, "Цинепар" таблетка ва гелини истеъмол қилиш мумкин эмас”, - дея маълум қилинмоқда хабарда.
Эслатиб ўтамизки, илгарироқ шифокорлар уйма-уй юриб, дори қуттичаларини текширишни бошлашган. Шундай қилиб, ҳукумат одамларни муддати ўтган ва хавфли дори-дармонлардан ҳимоя қилишга ҳаракат қилмоқда.
Импорт қилувчи Quramax Medical мамлакатга Ҳиндистоннинг "Док-1 Макс" препаратини олиб кирган, унда заҳарли этиленгликол моддаси топилган. Ушбу препаратни шифокор рецептисиз қабул қилгандан сўнг, камида 19 бола вафот этган. Ўтган йилнинг 30 декабр куни Ўзбекистон ҳукумати Ҳиндистоннинг Marion Biotech компанияси ишлаб чиқарган барча дори-дармонларни сотишни тўхтатди. Айнан шу компания ўлимга олиб келадиган “Док-1 Макс” ва бошқа бир қатор дориларни ишлаб чиқарувчиси ҳисобланади.
Изоҳлар мавжуд емас