Ўзбекистон, Тошкент - Batafsil.uz. Тошкентдан Самарқанд ва Андижонга пуллик трассалар қурилишини бошлаш 2026 йилга қолдирилди. Дастлаб, ишлар 2025 йилда бошланиши режалаштирилган эди.
Бу ҳақда Иқтисодиёт ва молия вазирлигининг 2025-2028 йилларга мўлжалланган Фискал стратегиясида айтилади.
Ҳар икки магистраль халқаро транспорт тармоғига қўшилиб, замонавий йўл инфратузилмасини ривожлантириш дастурининг бир қисмига айланади. Асосий мақсадлар - ўтказувчанлик қобилиятини ошириш, йўл вақтини қисқартириш ва авария ҳолатларини камайтириш. Лойиҳалар халқаро инвестицияларни жалб этган ҳолда ва давлат-хусусий шериклик шаклида амалга оширилмоқда.
Транспорт вазирлиги маълумотларига кўра, 30 дан ортиқ компания Тошкент - Андижон участкасига қизиқиш билдирган. 2025 йилда расмийлар тендер жараёнларини якунлаб, пудратчилар билан шартномалар имзолашни режалаштирмоқда. Худди шундай жараён Тошкент - Самарқанд йўналишида ҳам кузатилиши кутилмоқда.
Аввалроқ Тошкентдан Андижонга пуллик йўл лойиҳасини амалга ошириш муддати 6 йил-у 3 ой экани, қурилишни 2031 йилда якунлаш режалаштирилаётгани ҳақида хабар берилганди.
Изоҳлар мавжуд емас