Ўзбекистон, Тошкент - Batafsil.uz. Вазирлар Маҳкамаси ҳузуридаги "Ўзатом" агентлиги раҳбариятида янги тайинлов амалга оширилди. Шахзод Алиризаев агентлик директори ўринбосари вазифасини бажарувчи лавозимига тайинланди. У кечагина "Ўзбекнефтгаз" компаниясидаги вазифасидан озод этилганди.
Маълум қилинишича, у 1 май кунидан бошлаб янги вазифасига киришган. Тайинлов энергетика ва саноат соҳасида тажрибага эга мутахассисни стратегик йўналишлардан бирига жалб этиш сифатида баҳоланмоқда.
Ушбу лавозимга қадар Алиризаев "Ўзбекнефтгаз" акциядорлик жамиятида бошқарув раиси ўринбосари сифатида фаолият юритиб, маҳаллийлаштириш, саноат кооперациясини ривожлантириш ҳамда ахборот технологиялари йўналишларига масъул бўлган. У 30 апрель куни мазкур лавозимидан озод этилган эди.
Бундан олдин Ўзбекистон Республикаси Президенти фармони билан Ғиёсиддин Режабов Президентнинг маданият бўйича вакили лавозимига тайинланганди.
Изоҳлар мавжуд емас