Ўзбекистон, Тошкент – Batafsil.uz. Транспорт вазирлиги матбуот котиби Наврўз Ашурматовнинг маълум қилишича, Тошкент метрополитени уч ой давомида вақтинчалик қисқартирилган тартибда фаолият юритади.
Эслатиб ўтамизки, 21 майдан метрополитеннинг Чилонзор ва Ўзбекистон йўналишларининг ишлаш тартиби вақтинча эрталаб соат 6 дан кеч соат 23-00 гача ўрнатилади. Айни пайтда бу йўналиш поездлари эрталаб соат 5 дан кеч соат 24-00 гача фаолият юритмоқда.
"21 майдан бошлаб метрополитеннинг Чилонзор ва Ўзбекистон йўналишлари иш жадвали вақтинча қисқартирилади. Бу икки йўналишда кенг кўламли профилактика ишларининг бошланиши билан боғлиқ. Метронинг узлуксизлигини таъминлаш ва йўловчилар учун қўшимча ноқулайликлар яратилишининг олдини олиш учун профилактика ишлари ёзги мавсумда, яъни йўловчи оқими кескин пасайган даврда олиб борилмоқда", - деди Ашурматов.
Унинг сўзларига кўра, тасдиқланган режага кўра, профилактик чора-тадбирлар уч ой ичида якунланиши керак. Шундан сўнг Чилонзор ва Ўзбекистон йўналишлари аввалги тартибда фаолият юритади.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас