Тунда арзонроқ бўлади. 2022 йилда Ўзбекистонда электр токига табақалаштирилган тарифлар жорий этилади
Жамият

Тунда арзонроқ бўлади. 2022 йилда Ўзбекистонда электр токига табақалаштирилган тарифлар жорий этилади

632

Ўзбекистон, Тошкент – Batafsil.uz ЯА. Ўзбекистонда 2022 йилдан бошлаб кун давомида, шунингдек иш кунлари ва дам олиш кунлари аҳоли учун электр энергиясига табақалаштирилган тарифларнинг жорий этилиши бошланмоқда. Бу ҳақида мухбиримиз хабар бермоқда.

Мазкур чора 2020 - 2030 йилларда Ўзбекистон Республикасини электр энергия билан таъминлаш концепциясида кўзда тутилган.

Электр энергиясининг табақалаштирилган тарифлари кўп мамлакатларда қўлланилади. Хусусан, шартли равишда бу қуйидагича намоён бўлади: авж даврида - эрталаб ва кечқурун истеъмол қилинган электр энергияси учун тўлов максимал ставка бўйича, тунги даврда минимал юкланган соатларда эса энг паст нархда амалга оширилади. Шу билан бирга, кундузги пайтда ўртача тарифлар сақланади.

Аҳоли ва тадбиркорлар учун тарифлар Тариф комиссияси томонидан тасдиқланади. Кейинчалик буни махсус ваколатли идора - энергия бозорининг мустақил Регулятори бажаради. Шунингдек, мазкур идора тарифларни белгилаш методологияси ва тарифларни тартибга солиш билан боғлиқ бошқа ҳуқуқий ҳужжатлар учун жавобгар бўлади.

Шу билан бирга, 2021 йилдан бошлаб ягона харидор вазифалари “Ўзбекистон Миллий электр тармоқлари”дан олиниб, тузилган кафолатланган харидор - электр энергиясини импорт ва экспорт қилиш функцияларини бажарадиган давлат трейдинг компаниясига берилади.

2020-2021 йилларда мамлакатда бу борада қуйидаги ишлар амалга оширилади:

- электр энергияси ва табиий газ бозорида тартибга солиш, лицензиялаш ва назорат қилиш функцияларини амалга оширувчи, ҳукуматдан ташқаридаги бўлган ва молиявий жиҳатдан мустақил ҳисобланадиган энергетика бозорининг мустақил Регулятори шакллантирилади;

- онлайн платформаларга эга, улар орқали улгуржи бозорда электр энергияси ва табиий газни харид қилиш ва сотиш бўйича барча операциялар амалга оширадиган давлат компанияси (дастлаб 10 дан 15 кишигача) - Энергия бозори оператори тузилади. Оператор комиссияси таркиби энергетика бозорининг мустақил Регулятор томонидан тасдиқланади.

Ҳужжатни амалга ошириш натижасида 2030 йилга келиб қувватни 12,9 ГВт дан 29,3 ГВт гача, электр энергиясини ишлаб чиқаришни эса 63,6 млрд кВт/соатдан дан 120,8 млрд кВт/соатгача ошириш, табиий газ сарфини 16,5 миллиард кубометрдан 12,1 миллиард кубометргача, электр энергиясини етказиб беришдаги йўқотишларни 2,35%гача ва тарқатиш йўқотишларини 6,5% гача камайтириш (2019 йил даражасидан 1,85 бараварга кам) режалаштирилган.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+