ЙҲҲХ - Ҳайдовчиларни жазолаш учун балл тизимини жорий этиш 1 декабрдан фақат синов режимида бошланади. Ҳозирча баллар берилмайди
Жамият

ЙҲҲХ - Ҳайдовчиларни жазолаш учун балл тизимини жорий этиш 1 декабрдан фақат синов режимида бошланади. Ҳозирча баллар берилмайди

570

Ўзбекистон, Тошкент – Batafsil.uz. Ўзбекистонда 1 декабрдан бошлаб ҳайдовчиларни йўл ҳаракати қоидаларини бузганлик учун жазолаш тизими ишга туширилади. Ушбу янгилик автомобил эгалари орасида кўплаб саволларни туғдирди, чунки ҳуқуқни муҳофаза қилиш идоралари унинг қандай ишлашини ҳали батафсил тушунтиришмаган. Бугун йўл ҳаракати хавфсизлиги хизмати (ЙХХХ) тизим 1 декабрдан бошлаб фақат синов режимида ишга тушишини маълум қилган.

Нималар бўлаяпти?

ЙҲХХ хабар беришича, ҳозирги вақтда жарима балларини жорий этиш тўғрисидаги қонун ва Вазирлар Маҳкамасининг қарори лойиҳаси ишлаб чиқилган. Aйни пайтда Олий Мажлис Қонунчилик палатаси билан биргаликда қонун лойиҳасини қўшимча ишлаб чиқиш ва ишчи гуруҳ тузиш бўйича ишлар олиб борилмоқда. Шу сабабли, 1 декабрдан бошлаб жарима баллари тизими синов режимида ишга туширилади.

Бузилишлар, аввалгидек, автоматик равишда дастурий таъминотда қайд этилади. Бироқ, аҳолининг мумкин бўлган эътирозларини олдини олиш учун синов режими пайтида аниқланган қоидабузарликлар учун баллар ҳисобга олинмайди.

"Ушба тизим янги бўлганлиги сабабли, тизимдаги барча хатолар ва камчиликлар ва синов режимида ишлаш пайтида йўл қўйилган қоидабузарликлар тизимни техник қўллаб-қувватлаш даврида аста-секин аниқланади, йўқ қилинади ва такомиллаштирилади”, -дея маълум қилмоқда ЙҲХХ.

Аниқланган хато ва камчиликларни бартараф этгандан сўнг дастурий таъминот тўлиқ ишга туширилади. Тизимнинг ижобий синовидан сўнг ҳуқуқни муҳофаза қилиш идоралари ходимлари янги тизимнинг ишга тушириш вақти ҳақида қўшимча маълумот беришади

Бу ўзи қандай тизим?

Жарима баллари биринчи қоидабузарлик санасидан кейинги йилнинг шу кунигача берилади. Агар жарима баллари йил давомида ўн иккитага етмаса, ушбу муддат тугагандан сўнг улар бекор қилинади. Шу билан бирга, ҳайдовчилик гувоҳномасини биринчи марта олган фуқаролар томонидан содир этилган қоидабузарликлар ҳайдовчилик гувоҳномасини олган кундан бошлаб йил охиригача баҳоланади.

Йўл ҳаракати қоидаларини бузганлик учун ҳайдовчига жарима балларини қўллаш, шунингдек, ўн икки ёки ундан ортиқ балл билан ҳайдовчилик гувоҳномасидан маҳрум қилиш уни қонунда назарда тутилган асосий жазо – жаримадан озод қилмайди.

Ҳайдовчи бир нечта маъмурий ҳуқуқбузарликларни содир этган ҳолларда, ҳар бир ҳуқуқбузарлик учун жарима баллари алоҳида берилади ва бу баллар қўшилади. Ҳайдовчи саккизта жарима балларини тўплаганида, бу ҳақда SMS хабар ёки почта хизмати орқали маълум қилинади.

Ҳайдовчи йўл ҳаракати қоидаларини бузганлиги бўйича норози бўлса ва иш жиноят ишлари бўйича судга кўриб чиқиш учун юборилганида, жарима баллари суднинг якуний қарори асосида берилади. Автотранспорт воситасини бошқариш ҳуқуқидан маҳрум бўлган ҳайдовчилар маъмурий жазо муддати тугагандан сўнг малака оширадилар ва назарий ва амалий имтиҳонлардан ўтадилар.

Йил давомида йўл ҳаракати қоидаларини бузмаган ҳайдовчиларга келгуси йилда йўл ҳаракати қоидаларини биринчи марта бузганлик учун рағбат сифатида жарима баллари берилмайди. Бироқ, ҳайдовчи асосий жазодан озод қилинмайди.

Муаммо нимада?

Ҳайдовчилар тизимни ишга туширишда юзага келиши мумкин бўлган бир нечта муаммоларни кўрсатишмоқда. Асосийси, ҳайдовчиларни идентификация қилишдир. Оддий савол туғилади-тезлик режими бузилган тақдирда жаримага ким тортилади? Албатта автомобиль эгаси. Агарда эгаси ўз машинасини сотиб олиш шарти билан ижарага берса ёки уни қариндошларидан бири бошқарса нима бўлади?

Натижада катта бюрократик тўсиқлар юзага келиб, автомобиль эгаси ЙҲХБга бориши ва бу ҳуқуқбузарликни у содир этмаганини исботлаши керак бўлади.

Ўзбекистон бўйлаб янгиликлар: Telegram-каналга уланинг

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+