Ўзбекистон, Тошкент - Batafsil.uz. Акмал Жумабоев Тошкент шаҳрининг Яккасарой тумани ҳокими этиб тайинланди. У тайинловга қадар 2021 йилдан буён Сергели тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келган.
Акмал Жумабоев 1987 йилда Тошкент вилоятининг Паркент туманида туғилган. У 2011 йилда Тошкент автомобиль йўллари институтини, 2013 йилда эса ушбу институт магистратурасини тамомлаган.
Меҳнат фаолияти давомида ёшлар ташкилотлари ва давлат бошқаруви тизимида турли масъул лавозимларда ишлаган. Сергели туманида у иқтисодиёт ва молия бўлими бошлиғи вазифасини ҳам бажарган.
Эслатиб ўтамиз, Яккасарой туманини 2023 йил октябридан буён бошқариб келган Нилуфар Аллабергенова Тошкент шаҳар прокурорининг ўринбосари этиб тайинланган эди. У пойтахт туманлари ҳокимлари орасидаги ягона аёл бўлган.
Изоҳлар мавжуд емас