Ўзбекистон, Тошкент – Batafsil.uz. Шавкат Мирзиёев ўз фармони билан ёш ходимлар ишлайдиган корхоналар ва компанияларга ижтимоий солиқни қайтариш бўйича имтиёзларни 2024 йил охиригача узайтирди. Бу ҳақда мухбиримиз хабар бермоқда.
Имтиёзнинг янги муддати 2023 йил 1 майдан 2025 йил 1 январгача. Шу вақт ичида иш берувчиларга Давлат бюджетидан 25 ёшдан ошмаган ходимлар учун тўлаган ижтимоий солиқ суммаси тўлиқ қопланади.
Устав фондида давлат улуши 50 фоиз ва ундан ортиқ бўлган буджет ташкилотлари, давлат корхоналари ва юридик шахслар, шунингдек, 1 фоиз ставкаси бў йича ижтимоий солиқ тўловчилар бундан мустасно бўлади.
Бунда ижтимоий солиқ суммаси ёш ходимлар томонидан еттинчи ойдан бошлаб олти ой давомида узлуксиз меҳнат фаолияти амалга оширилган тақдирда қопланади.
Эслатиб ўтамизки, ушбу имтиёз мамлакатда биринчи марта 2021 йилда жорий этилган. Ундан 9 мингдан ортиқ корхона фойдаланган, уларга 150 миллиард сўм ижтимоий солиқ қайтарилган, натижада бу 100 минг ёшларни иш билан таъминлашга имкон берган.
Изоҳлар мавжуд емас