Ўзбекистон, Тошкент – Batafsil.uz. Ўзбекистон телевидениеси тўғридан-тўғри эфирда ёлғон билан қўлга тушди. Журналистлар Тошкент бозорларида сотилаётган арзон нархдаги “ажойиб” гўштни намойиш қилишаётган пайтда жараёнга оддий харидор аёл қўшилган. Бу ҳақида мухбиримиз маълум қилмоқда.
Эслатиб ўтамизки, кеча “Ўзбекистон – 24” телекнали эфирида Юнусобод тумани деҳқон бозорида олинган репортаж намойиш қилинган. Унда журналист бозордаги арзон гўштлар ҳақида сўзлаган. Сотувчи бугуннинг ўзида 200 килограмм арзон нархдаги гўшт сотганини журналистга айтаётган пайтда суратга олиш жараёнига оддий аёл қўшилган.
“Сиз телевидение учун суратга олаяпсиз. Бироқ, нега ҳақиқатни айтмайсиз? Ахир улар бу гўштни сотишмаяптию!”, - деди аёл журналистга.
Унинг айтишича, сотувчилар суратга олиш жараёнига олдиндан тайёргарлик кўришган, кадрларнинг чиройли бўлиши учун арзон ва суяксиз гўшт солинган махсус музлатгични тайёрлаб қўйишган.
“Менга ҳам шу гўштдан сотсинчи”, - дея таъкидлади у.
Изоҳлар мавжуд емас