Ўзбекистонда 6 июлдан бошлаб ўқувчиларни 1 синфга  қабул қилиш жараёни бошланади. Тошкентда ҳужжатлар онлайн-навбат режимида қабул қилинади
Жамият

Ўзбекистонда 6 июлдан бошлаб ўқувчиларни 1 синфга қабул қилиш жараёни бошланади. Тошкентда ҳужжатлар онлайн-навбат режимида қабул қилинади

344

Ўзбекистон, Тошкент – Batafsil.uz ЯА. 6 июлдан бошлаб 2020/2021 ўқув йили учун умумтаълим мактабларнинг 1 синфига қабул жараёни бошланади. Тошкентда тажриба тариқасида биринчи синфга ҳужжатларни топшириш онлайн-навбат режимида ўтказилади. Бу ҳақида мухбиримиз маълум қилмоқда.

1 синфга қабул қилинадиган ўқувчилар ҳужжатлари: 

- 6- 31 июль куни бириктирилган микротуман чегарасида;

- 1-25 август куни микротумандан ташқари мактабларнинг сиғимидан келиб чиққан ҳолда қабул қилинади.

Бундан ташқари, карантин шароитида мактабларда ота-оналарнинг тўпланилишини олдини олиш мақсадида Тошкент шаҳрида биринчи синфга борадиган ўқувчиларнинг ҳужжатлари икл бор qabul.maktab.uz сайти орқали онлайн-навбат режимида қабул қилинади (рўйхатга олиш 5 июлдан бошланади).

Агарда ушбу дастур Тошкентда муваффақиятли амалга ошириладиган бўлса, кейинги ўқув йилидан бошлаб бошқа ҳудудларда ҳам босқичма-босқич жорий қилинади.

Биринчи синфга бориш учун қуйидаги ҳужжатлар талаб этилади:

1. Директор номига ариза;

2. Туғилганлик гувоҳномасининг нусхаси;

3. Ота-онасининг паспортлари нусхаси;

4. Боланинг саломатлиги   тўғрисида маълумотнома;

5. Боланинг 4 та рангли фотосурати (3,5 х 4,5 см ҳажмда);

“Жорий йилнинг 31 август куни ҳолатида фарзанди 6.5 ёшга тўлмаган ва ҳужжатларини топширмоқчи бўлган ота-оналар билан мактаб психологлари ва педагоглари томонидан тушунтириши ишлари олиб борилмоқда. Шуни яна бир бор эслатмоқчи эдикки, мактабгача ёшдаги болаларни мактабгача таълим муассасаларига бериш маъқул”, - дея таъкидламоқда вазирлик.

Умумтаълим мактабнинг 1 синфига болаларнинг бориши бўйича савол, таклиф ва шикоятлар билан туман (шаҳар) халқ таълими бўлимларига мурожаат қилиш мумкин.

2020/2021 ўқув йилида умумий ҳисобда 650116 нафар болани биринчи синфларга қабул қилиш режалаштирилган.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+