Ўзбекистон, Тошкент - Batafsil.uz. Миллий статистика қўмитасининг 2026 йил 1 январь ҳолатига кўра берган маълумотларига асосан, Ўзбекистонда ҳар 1 000 нафар аёлга 1 015 нафар эркак тўғри келмоқда.
Республика бўйича ўртача кўрсаткич эркаклар фойдасига бўлса-да, ҳудудлар кесимида вазият турлича. Наманганда ҳар 1 000 нафар аёлга 1 034 нафар эркак билан мамлакатда энг юқори кўрсаткични қайд этган. Шунингдек, Қашқадарё (1 029 нафар), Андижон (1 027 нафар), Навоий (1 026 нафар) ва Сурхондарё (1 025 нафар) вилоятларида ҳам эркаклар сони аёлларга нисбатан сезиларли даражада кўплиги кузатилган.
Жиззах ва Фарғонада 1 019 нафардан, Самарқандда 1 016 нафар, Қорақалпоғистон Республикасида 1 010 нафар, Сирдарёда 1 009 нафар, Тошкент вилоятида 1 008 нафар, Бухорода 1 006 нафар ва Хоразмда 1 004 нафар эркак тўғри келади. Фақатгина Тошкент шаҳри республикадаги ягона ҳудуд бўлиб, у ерда аёллар сони эркаклардан кўплиги қайд этилган – пойтахтда ҳар 1 000 нафар аёлга 966 нафар эркак тўғри келмоқда.
Маълумот учун, 2026 йил 1 январь ҳолатига кўра мамлакатнинг асосий демографик кўрсаткичларини эълон
қилганди. Унга кўра, аҳоли сони сезиларли даражада ўсиб, эркаклар сони аёллар сонига нисбатан кўпроқлиги очиқланган эди.
Изоҳлар мавжуд емас