Ўзбекистонда ажойиб видеороликлар танлови бошланмоқда! Ўз видеонгизни суратга олинг ва зўр мукофотни қўлга киритинг!
Жамият

Ўзбекистонда ажойиб видеороликлар танлови бошланмоқда! Ўз видеонгизни суратга олинг ва зўр мукофотни қўлга киритинг!

588

Хитойнинг Ўзбекистондаги Элчихонаси “Дўстлик ритмлари” мавзусидаги ажойиб видеорликлар танловини бошламоқда. Унда барча ўзбекистонликлар иштирок этиши мумкин. Бу учун Хитой ва Ўзбекистон дўстлигига бағишланган ёки Хитой ҳақидаги таассуротларингиз хусусидаги видеороликни суратга олишнинг ўзи кифоя.

Видеоролик шакли ихтиёрий бўлиши мумкин. Масалан, TikTok учун қисқа видео, кичик ҳужжатли фильм, интервью, лавҳа ёки ток-шоу қабул қилинади. Энг муҳими - креатив ёндашув талаб қилинади. Ягона талаб шундан иборатки, видео 5 дақиқадан ошмаслиги ва муаллифлик ҳуқуқларига оид Ўзбекистон қонунчилиги бузилмаслиги лозим. Тайёр видеороликларни алоқа маълумотлари, муаллифнинг исми, шарифи ва отасининг исми, TikTok ва Телеграм-каналдаги аккаунтлари билан бирга chinaemb_uz@outlook.com манзилига юбориш мумкин.

Танлов 20 апрель куни бошланиб, дастлабки саралаш 17 майга қадар давом этади. Ғолиблар 19 июнь куни эълон қилинади, тақдирлаш маросими эса 22 июнь куни ўтказилади.

Малакали ҳакамлар ҳайъати томонидан дастлабки саралашдан ўтган видеороликлар 18 майдан 18 июнгача TikTokда, элчихонанинг расмий веб-сайтида ва Телеграм-каналида, шунингдек, Ўзбекистон Вазирлар Маҳкамаси ҳузуридаги миллатлараро муносабатлар ва хорижий давлатлар билан дўстона алоқалар бўйича Қўмита, ШҲТ Халқ дипломатияси маркази ва уларнинг ҳамкорлари расмий веб-сайтларида жойлаштирилади.

Якуний саралаш жараёнида TikTokда энг кўп “лайк” тўплаган ва Элчихонанинг Телеграм-каналида энг кўп кўрилган иштирокчилар ғолиб бўлади.

Энг муҳими- совринлар. Танлов ғолиби асосий соврин – Huawei мобил телефонига эга бўлади.

Бундан ташқари, ўнта энг яхши видеоролик муаллифларига ҳам совринлар бериш кўзда тутилган. Биринчи ўрин - Huawei мобил телефони, иккинчи ўрин - Huawei мобил телефони ва учинчи ўрин Huawei планшети билан тақдирланади.

Бу ҳали ҳаммаси эмас. Ғолиблар сафидан ўрин ололмаган ўнта муаллифга ҳам рағбатлантирувчи совринлар - Huawei мобил телефони берилади.

Ниҳоят, “Томошабинлар эътирофи соврини” ҳам мавжуд. Энг қизиқ изоҳ берган томошабинлар ҳам совринга эга бўлиши мумкин. Уларга Beeline SIM-картаси учун тариф тўлаб берилади.

Танлов Ўзбекистон Вазирлар Маҳкамаси ҳузуридаги миллатлараро муносабатлар ва хорижий давлатлар билан дўстона алоқалар бўйича Қўмита ва ШҲТ Халқ дипломатияси маркази билан биргаликда ўтказилмоқда.

Видеога қўйиладиган талаблар

Видео ўлчами 720га 1280 ва ундан юқори, формати MPG, MPEG, AVI, MOV, WMA, MP4 бўлиши керак. Тили – ўзбекча, русча, хитойча. Хитой тилида бўлса, рус ёки ўзбек тилидаги субтитрларнинг берилиши мақсадга мувофиқдир.

Видеода зўравонлик, диний ёки ирқий камситишни тарғиб қилувчи контент ёки рекламани жойлаштириш, шунингдек бошқа ғайриқонуний ҳаракатларнинг бўлиши тақиқланади.

Ўзбекистон бўйлаб янгиликлар: Telegram-каналга уланинг 



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+