Ўзбекистон, Тошкент - Batafsil.uz. Ўзбекистонда 2025 йилнинг учинчи чораги ҳолатига кўра, ишсизлик даражаси 4,9 фоизни ташкил этди. Бу кўрсаткич ўтган йилнинг шу даврига нисбатан 0,8 фоизга камайган. Шу билан бирга, чет элда меҳнат қилаётган фуқаролар сони ярим миллионга ошгани маълум қилинди. Бу ҳақда Камбағалликни қисқартириш ва бандлик вазирлиги хабар берди.
Республикада аҳоли сони 37,8 миллион нафарга етган. Шулардан 20,35 миллиони меҳнатга яроқли ёшдагилардир. Бу ўтган йилга нисбатан 1,9 фоизга ёки 387,3 минг кишига кўп.
Иқтисодий фаол аҳоли сони — 15,57 миллион, шундан 14,81 миллион киши банд аҳоли сифатида қайд этилган. Бу кўрсаткич ўтган йилга нисбатан 4,1% ёки 579,6 минг кишига ўсган.
Бандлик сектори бўйича тақсимот:
-
Расмий сектор: 8,58 миллион нафар (+17% ёки 1 243,7 мингга ўсган)
-
Норасмий сектор: 4,38 миллион нафар (-26,9% ёки 1 176,0 мингга камайган)
-
Чет элда меҳнат қилаётганлар: 1,86 миллион нафар (+512 мингга кўпайган)
-
Иш излаётган фуқаролар: 760 минг нафар
2025 йилда 4,45 миллион киши даромадли меҳнат билан таъминланган. Шундан қишлоқ хўжалиги соҳасида 1,29 миллион, хизмат кўрсатиш соҳасида 2,74 миллион, қурилиш соҳасида 172,3 минг, инвестиция лойиҳалари орқали 256,2 минг нафар киши ишламоқда.
Эслатиб ўтамиз, Ўзбекистон камбағалликка қарши кураш борасида Хитой тажрибасидан фойдаланмоқчи эди.
Изоҳлар мавжуд емас