Ўзбекистонда пенсия ёшини ошириш режалаштирилмаган. Пенсия жамғармаси берган маълумотга кўра, пенсия миқдори ошади
Жамият

Ўзбекистонда пенсия ёшини ошириш режалаштирилмаган. Пенсия жамғармаси берган маълумотга кўра, пенсия миқдори ошади

657

Ўзбекистон, Тошкент – Batafsil.uz ЯА. Пенсия жамғармаси бир қатор оммавий ахборот воситаларида Ўзбекистонда пенсия ёшининг оширилиши бўйича тарқалган хабарни инкор этди. Бу ҳақида мухбиримиз маълум қилмоқда.

Эслатиб ўтамизки, яқинда бир қатор оммавий ахборот воситалари ва ижтимоий тармоқларда гўёки пенсия ёшининг оширилиши бўйича қарор қабул қилинганлиги ҳақида маълумотлар тарқалган эди. Бу эса ўз навбатида аҳоли ва кенг жамоатчилик ўртасида асоссиз мунозараларга сабаб бўлди.

Пенсия жамғармасидан олинган маълумотларга кўра, 2019 йил 21 ноябр куни Ўзбекистон Республикаси Президенти раислигида ўтказилган йиғилишда Молия вазирлигига манфаатдор идоралар билан биргаликда 2020 йил 1 апрелгача пенсия тизимини ислоҳ қилиш бўйича Концепция лойиҳасини ишлаб чиқиш топширилган.

Айни пайтда Пенсия жамғармаси нуфузли халқаро молия институтлари, хусусан Жаҳон банки, БМТРД ва Россия Федерацияси Молия вазирлигининг илмий-тадқиқот молия институти мутахассисларини жалб қилган ҳолда, чет элнинг пенсия тизимлари, шу жумладан уч босқичли пенсия тизимини ўрганмоқда.

"Ишлаб чиқилаётган Концепция лойиҳасида асосий эътибор аҳолини ижтимоий ҳимоясини кучайтириш, пенсия ва нафақалар миқдорини ошириш, шунингдек, ижтимоий суғурта тизими орқали иқтисодий фаол аҳолини қамраб олишни кенгайтиришга қаратилган. Бундан ташқари, пенсия ҳуқуқини расмийлаштиришда биргина паспортни тақдим қилиш асосида инновацион технологияларни жорий этиш чоралари кўриб чиқилмоқда. Шунингдек, электрон аризалар орқали марказлаштирилган тайинлаш ва пенсияларни тўлаш белгиланган", - деб таъкидлашди Пенсия жамғармаси вакиллари.

Шунингдек уларнинг таъкилашича, ушбу концепцияда пенсия ёшини ошириш кўзда тутилмаган.

Жамғарма вакиллари хулоса қилишдики: "Ишлаб чиққандан кейин Концепция лойиҳаси қонунчилик талабларига мувофиқ белгиланган тартибда жамоатчилик муҳокамасига қўйилади".



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+