Ўзбекистон, Тошкент - Batafsil.uz. Ўзгидромет сентябрь ойи учун об-ҳаво прогнозини маълум қилди. Унга кўра, кузнинг биринчи ойида ҳаво нисбатан қуруқ ва мўътадил илиқ бўлиб, ўртача ҳарорат иқлимий меъёрга яқин бўлиши кутилмоқда.
Ойнинг биринчи ўн кунлигида асосан кам булутли ва қуруқ об-ҳаво кузатилади. Тунда ва эрталаб ҳарорат 15–20 даража атрофида бўлса, кундузи ҳаво 30–35 даражагача исийди. Айрим кунларда ҳарорат 37 даражагача, жанубий ҳудудларда эса 38–40 даражагача кўтарилиши мумкин.
Сентябрьнинг иккинчи ва учинчи ўн кунликларида ҳарорат нисбатан барқарор бўлиши прогноз қилинган. Бу даврда тунда ҳаво 10–15 даража, кундузи эса 25–30 даража атрофида бўлади.
Шу билан бирга, ой давомида ҳароратнинг қисқа муддатли кўтарилиши ёки пасайиши истисно қилинмаяпти.
Сентябрь ойининг айрим кунларида, тахминан 1–3 кун давомида, асосан кучсиз ёмғир ёғиши мумкин. Жанубий ҳудудларда эса ёғингарчилик эҳтимоли паст.
Изоҳлар мавжуд емас