Ўзбекистон, Тошкент – Batafsil.uz ЯА. Ўзбекистонда жорий этилган янги тартибга мувофиқ, маҳаллий корхоналар томонидан ишлаб чиқарилган шакар фақат биржа орқали сотилади. Бу ҳақида Batafsil.uz мухбири маълум қилмоқда.
Тўғридан-тўғри шартномалар бўйича республиканинг чекка ва олис ҳудудларида жойлашган истеъмолчиларга ўз савдо тармоқлари орқали сотиладиган умумий ишлаб чиқаришнинг 10 фоизи бундан мустасно.
Давлат рақобат қўмитаси берган маълумотга кўра: "2020 йилга қадар биржа савдосида шакарни сотиш чекланган миқдорда (ишлаб чиқарилган маҳсулотнинг 12,5-13,5 фоизи) амалга ошириб келинган эди, ишлаб чиқарилган шакарнинг қолган қисми эса бевосита шартномалар бўйича, дилерлик тармоқлари орқали сотиларди".
Шундай қилиб, ўтган йилнинг 12 ойида “Ангрен шакар” биржа савдолари орқали 28,8 минг тонна шакар сотган бўлса, биргина жорий йилнинг январь ойида 20 минг тонна сотишни режалаштирган. “Хоразм шакар” ўтган йилда биржа орқали 27,4 минг тонна сотган бўлиб, январь ойида режага мувофиқ 18 минг тонна шакар сотилиши кутилмоқда.
"Шакарнинг очиқ биржа савдоларига қуйилишини ошириш - бозорни тўрдириш баробарида харидорлар тенглигини таъминлайди. Шу билан бирга, республика бўйлаб 13 та минтақавий филиал ва 300 га яқин савдо майдончаларига эга бўлган Ўзбекистон товар хом-ашё биржасининг ривожланган инфратузилмаси ҳар қандай улгуржи истеъмолчи, қолаверса шакар сотиб олиш истагида бўлган тадбиркорга биржа савдолари эшигини очиб беради”, - дея қайд этмоқда Давлат рақобат қўмитаси.
Изоҳлар мавжуд емас