Ўзбекистонда совуқ об-ҳаво ва ёмғир кутилмоқда.  “Ўзгидромет” яқин кунларда кутилаётган об-ҳаво ҳақида маълумот берди
Жамият

Ўзбекистонда совуқ об-ҳаво ва ёмғир кутилмоқда. “Ўзгидромет” яқин кунларда кутилаётган об-ҳаво ҳақида маълумот берди

645

Ўзбекистон, Тошкент – Batafsil.uz. Мухбиримиз хабар беришича, “Ўзгидромет”  келаётган дам олиш кунлари кутилаётган об-ҳаво бўйича маълумот  тақдим этган.

 “Бугун ва эртага Ўзбекистон ҳудуди иссиқ жанубий-ғарбий ҳаво оқимлари таъсирида бўлади. Республика ҳудудининг катта қисмида об-ҳаво кам булутли бўлади, ҳарорат иқлимий меъёрдан 4-6 даражага юқори бўлади. Кундузи ҳарорат 22-27 даража, кечаси 4-9 даража атрофида бўлади”, - дея таъкидлашди  синоптиклар.

 8 ноябрда республика ҳудудига Кавказ томондан совуқ ва нам ҳаво оқими кира бошлайди. Кун давомида ушбу оқим республиканинг шимоли-ғарбий туманларига тарқалади. Кечга бориб у Ўзбекистоннинг марказий туманларига ўтади.

Ушбу жараёнда республика бўйича булутлилик ортади, Қорақалпоғистонда, Хоразм, Бухоро, Навоий вилоятларида айрим жойларга ёмғир ёғади. 8 ноябрда кечқурун, кечаси ва 9 ноябрь эрталаб мамлакатнинг марказий ва жануби-шарқий туманларида ёмғир ёғади. Тоғли ҳудудларда ёмғирнинг қорга айланиш эҳтимоли бор, айрим жойларда ёғингарчилик кучли бўлиши мумкин.

 “Якшанба куни кундузи ҳарорат бироз пасаяди. Республика ҳудудининг катта қисмда ҳарорат 15-20 даража, шимолда 8-13 даража бўлади. Кейинги ҳафтанинг бошида эса совуқ тушади, тунги ҳарорат 0-5 даража илиқ, кундузи 10-15 даража бўлади», - деб маълум  қилмоқда “Ўзгидромет”.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+