Ўзбекистон, Тошкент - Batafsil.uz. Ўзбекистондаги техникум ўқитувчилари маошига 200 фоизгача устама олишлари мумкин бўлади. Ҳукумат томонидан тасдиқланган меҳнатга ҳақ тўлашнинг янги тартиби халқаро таълим дастурлари жорий этилган таълим муассасаларига тааллуқлидир. Бу ҳақда мухбиримиз хабар бермоқда.
Юқори рейтинг баллини тўплаган ходимлар базавий ставкага 200 фоиз устама олишлари мумкин.
Ҳужжат билан халқаро дастурларни амалга оширишга жалб қилинган директорлар, бош бухгалтерлар, ўқитувчилар ва ишлаб чиқариш таълими усталари учун 100 фоиз миқдорида ҳар ойлик мажбурий устамалар белгиланди.
Ходимларни қўшимча рағбатлантириш мақсадида техникумлар ҳузурида меҳнатга ҳақ тўлаш фондининг 50 фоизи миқдорида махсус жамғарма ташкил этилади.
Аввалроқ Ўзбекистонда "Янги авлод" инновацион мактабгача таълим ташкилотлари тармоғи пайдо бўлиши ҳақида хабар берилган эди. Янги болалар боғчалари янгиланган таълим дастурлари бўйича ишлайди, ходимларга эса давлат бюджетидан тўланадиган иш ҳақига 20 фоиз устама тўланади.
Изоҳлар мавжуд емас