Ўзбекистон, Тошкент – Batafsil.uz. “Миллий тикланиш” партияси раҳбари Алишер Қодиров Александр Лукашенконинг 15 йилдан кейин Ўзбекистон, Тожикистон ва Туркманистон давлатлари Россия ва Беларуснинг Иттифоқ давлати таркибига кириши мумкинлиги ҳақидаги сўзларига жавоб қайтарган.
Унинг сўзларига кўра, Совет Иттифоқини тиклашга бўлган уринишлар бунга интилаётган давлатлар учун фожеали оқибатларга олиб келиши мумкин.
“Тарихдан маълумки, зўравонлик ва таҳдид асосида қурилган давлатлар, улар қанчалик кучли туюлмасин, мўрт бўлади. Бу каби режалар эҳтимол, тескари тўлқинни келтириб чиқаради ва совет империясини тикламоқчи бўлган давлатлар ҳудудида янги мамлакатларнинг пайдо бўлишига сабаб бўлади. Бу минтақада жиддий иқтисодий ва ижтимоий силкинишларга олиб келади. Яқин 15 йилга режаларимизни тузишда мазкур ҳолатни эътиборга олишимиз керак”, - деди у ўзининг Телеграм –каналида.
Иттифоқ давлати – бу Россия ва Беларуснинг ягона сиёсий, иқтисодий, ҳарбий, божхона, валюта, ҳуқуқий, гуманитар, бозор ва маданий маконга эга бўлган ҳамда босқичма-босқич ташкил этиладиган давлатусти бирлашмасидир.
Изоҳлар мавжуд емас