Ўзбекистон, Тошкент - Batafsil.uz. АҚШ Президенти Дональд Трамп Ўзбекистонга ташриф буюриш ниятида, бироқ сафарнинг аниқ муддатлари ҳозирча ошкор қилинмаяпти. Бу ҳақда АҚШ Президентининг глобал ҳамкорлик бўйича махсус вакили Паоло Замполли "Таҳлилнома" кўрсатувига берган интервьюсида маълум қилди.
Замполлининг таъкидлашича, АҚШ етакчисининг иш жадвали жуда тиғиз бўлишига қарамай, у Ўзбекистонга келиш истаги борлигини шахсан маълум қилган. Махсус вакил бу ташаббусни ўзи ҳам фаол қўллаб-қувватлаётганини ҳамда томонлар ушбу ташриф имкон қадар тезроқ амалга ошишига умид қилаётганини билдирган Унинг қўшимча қилишича, Ўзбекистон Оқ уй ва АҚШ маъмурияти вакиллари учун муҳим йўналишлардан бирига айланган.
Аввалроқ Ўзбекистон Президенти Шавкат Мирзиёев Дональд Трампни ўзи учун қулай вақтда мамлакатга ташриф буюришга бир неча бор таклиф этган, АҚШ етакчиси эса таклиф учун миннатдорлик билдирган эди.
Бундан ташқари, октябрь ойи ўрталарида АҚШ давлат котиби Марко Рубио Самарқандга ташриф буюриши кутилмоқда. У 100 дан ортиқ компания вакилларидан иборат АҚШ бизнес-делегациясига бошчилик қилади.
Изоҳлар мавжуд емас