Ўзбекистон, Тошкент - Batafsil.uz. Ўзбекистон президенти Шавкат Мирзиёев 8-9 июль кунлари расмий ташриф билан Беларусда бўлади. Ташрифга ҳозирданоқ тайёргарлик кўрилмоқда ва томонлар ташриф муносабатларга янги суръат бағишлашига умид қилмоқда.
Беларусь бош вазири Александр Турчин 23 июнь куни Минскда президент Александр Лукашенкога қилган ҳисоботидан сўнг бўлажак ташриф ҳақида маълум қилди.
Беларус ҳукумати раҳбарининг сўзларига кўра, унинг яқинда Ўзбекистонга амалий ташрифи чоғида муваффақиятли ва жадал ривожланаётган ҳамкорликнинг асосий йўналишлари муҳокама қилинган. Ўзбекистон президентининг бўлажак ташрифини аниқ келишувлар билан бойитишга алоҳида эътибор қаратилди.
Турчиннинг қўшимча қилишича, ташриф муносабатларни янги босқичга олиб чиқади. Жорий йилда товар айирбошлаш ҳажмини 1 миллиардга, 2030 йилга бориб эса 2 баробарга етказиш мақсад қилинган.
"Бу катта саъй-ҳаракатларни талаб қиладиган улкан вазифа," - деди бош вазир.
Эслатиб ўтамиз, Турчин 16-17 июнь кунлари Ўзбекистонда амалий ташриф билан бўлган эди. Ташриф доирасида у мамлакат президенти билан музокаралар ўтказди, шунингдек, В Тошкент халқаро инвестиция форумининг ялпи мажлисида иштирок этди.
Изоҳлар мавжуд емас