Ўзбекистон, Тошкент – Batafsil.uz. Ўзбекистон ҳудудида америкалик ҳарбийларнинг жойлаштирилиши муҳокама қилинмаяпти. Бу ҳақда республика ТИВ ва Мудофаа вазирлиги маълум қилмоқда.
Ўзбекистон ташқи ишлар вазири Абдулазиз Комиловнинг айтишича, Афғонистонда террорчиликка қарши кураш учун Америка кучларини Ўзбекистонда жойлаштириш масаласи кун тартибига қўйилмаган ва муҳокама қилинмаяпти.
Шу тариқа Комилов Politico газетасида нашр этилган маълумотни изоҳлаб ўтган. Газетада таъкидланишича, Пенгатон вакиллари шу ойда Ўзбекистонга ташриф буюриб, Афғонистондаги экстремистларга зарба бериш мақсадида АҚШнинг аксилтеррор кучларини жойлаштириш масаласини муҳокама қилишмоқчи экан.
Ўзбекистон Мудофаа вазирлиги ахборот хизмати раҳбари Баҳром Зулфиқоровнинг айтишича, Ўзбекистон ўз ҳудудида АҚШ аксилтеррор бўлинмаларини жойлаштириш таклифини олмаган ва бундай қарор қабул қилишни режалаштирмаган.
"Менинг маълумотларимга кўра, Ўзбекистон АҚШ аксилтеррор кучларини ўз ҳудудида жойлаштириш таклифини олмаган ва бундай қарор қабул қилишни режалаштирмаган, чунки бу Конституция билан тақиқланган ва мамлакатимиз мудофаа доктринасида назарда тутилмаган",- дея таъкидлади у.
Изоҳлар мавжуд емас