Ўзбекистон, Тошкент - Batafsil.uz. Нью-Йорк шаҳрида Ўзбекистон ва Вануату Республикаси ўртасида дипломатик муносабатлар ўрнатиш тўғрисида қўшма коммунике имзоланди. Ушбу ҳужжат 2026 йил 22 сентябрь куни икки мамлакатнинг БМТ ҳузуридаги доимий вакиллари томонидан имзоланди.
Ҳужжатга мувофиқ, томонлар БМТ ва унинг ихтисослаштирилган муассасалари доирасида яқин ҳамкорликни мустаҳкамлаш зарурлигини таъкидлаган.
Шу тариқа Тинч океанининг Меланезия минтақасида жойлашган Вануату Республикаси Ўзбекистон билан дипломатик муносабатлар ўрнатган 169-давлат бўлган.
Маълумот учун, 2026 йил 22 апрелда Ўзбекистон Ғарбий Африкадаги Гвинея-Бисау давлати билан дипломатик алоқаларни йўлга қўйиб, ушбу мамлакат 168-ҳамкорга айланган эди. Вануату билан коммуникенинг имзоланиши республиканинг Тинч океани минтақаси мамлакатлари билан дипломатик ҳамкорлигини кенгайтиришдаги навбатдаги муҳим қадам бўлганди.
Олдинроқ Белгия ҳукумати Тошкент шаҳрида дипломатик ваколатхонасини очишга қарор қилганди.
Изоҳлар мавжуд емас