Ўзбекистон, Тошкент - Batafsil.uz. Жорий йилнинг 6 сентябрь куни Андижон шаҳридаги "Бунёдкор" маҳалласида жойлашган етти қаватли турар жой биносининг бешинчи қаватида ёнғин содир бўлди. Ёнғин оқибатида она ва унинг икки фарзанди хонадонда қамалиб қолган.
Фавқулодда вазиятлар хизматига ёнғин ҳақида хабар соат 18:30 да 112 тизими орқали келиб тушган. Ёнғин-қутқарув экипажлари соат 18:34 да воқеа жойига етиб борган ва ёнғин соат 18:50 да тўлиқ ўчирилган.
Қутқарувчилар ёнғин туфайли хонадондан чиқиш имконияти бўлмаган она ва икки болани балкон орқали нарвон ёрдамида хавфсиз жойга олиб чиққан.
Ёнғин натижасида хонадондаги уй-рўзғор буюмлари ёниб зарарланган. Шу билан бирга, хонадоннинг 50 квадрат метр майдони ёнғиндан сақлаб қолинган.
Айни пайтда ёнғиннинг келиб чиқиш сабаби ва етказилган зарар миқдори аниқланмоқда.
Ҳодиса оқибатида тан жароҳати олганлар йўқ.
Аввалроқ Олмалиқдаги "Ойдин" деҳқон бозори ёниб кетганди.
Изоҳлар мавжуд емас