Ўзбекистон, Тошкент - Batafsil.uz. Марҳамат туманидаги 42-мактаб ўқитувчилари ҳашарда иштирок этаётгани акс этган видео эълон қилингач, таълим муассасаси директори лавозимидан озод этилди.
Бу ҳақда Мактабгача ва мактаб таълими вазирлигининг вилоят бошқармаси хабар берди. Педагоглар уларнинг иштироки ихтиёрий эканлигини таъкидлаган бўлса-да, муассаса раҳбарияти меҳнат меъёрларига риоя этилишини назорат қилмаган. Бу директорни ишдан бўшатмоқ учун асос бўлди.
Шунингдек, вазирлик мактаб 1982 йилда қурилгани, 2005 йилда жорий таъмирлангани ҳақида маълумот берди. Икки йил аввал "Ташаббусли бюджет" лойиҳаси доирасида бинога 1,2 миллиард сўмлик эшик ва деразалар янгидан ўрнатилган эди. Ўтган йили қўшимча 1,3 миллиард сўм эвазига спорт майдончаси қурилиб, фасад қисми янгиланган.
Муассасада 1 минг 200 нафардан зиёд ўқувчи таҳсил олади, улар билан 70 нафардан ортиқ ўқитувчи ишлайди.
Изоҳлар мавжуд емас