Загрузка
Загрузка
Бемор боланинг операцияси учун тўпланаётган пулларни ўғирлаган мактаб ўқувчиси ушланган
Ҳодисалар

Бемор боланинг операцияси учун тўпланаётган пулларни ўғирлаган мактаб ўқувчиси ушланган

506
Загрузка

Ўзбекистон, Тошкент – Batafsil.uz. Бемор боланинг операцияси учун тўпланаётган пулларни ўғирлаган мактаб ўқувчиси ҳуқуқни муҳофаза қилиш идораси ходимлари томонидан ушланган. 

Ангреннинг “Тараққиёт” маҳалласида яшовчи 45 ёшли аёл ИИБга мурожаат қилган. Унинг айтишича, номаълум шахс унга қўнғироқ қилиб, бемор боласини даволашга пул тўплаш учун очилган пластик картага 600 минг сўм кўчиришини билдирган. Пластик картанинг рақамини аёл илгарироқ ижтимоий тармоқларда жойлаштирган. 

Аёл номаълум шахсга SMS-хабарнинг кодига айтгач, фирибгар картадан 2 миллион сўмни ечиб олган.

Ҳуқуқ-тартибот идоралари ходимлари текширув ўтказиб, ушбу жиноятни Қорақалпоғистонда яшовчи 18 ёшли 11-синф ўқувчиси содир этганлигини аниқлашган.

Ушбу ҳолат бўйича ўсмирга нисбатан Жиноят кодексининг 169-моддаси 1 қисми (ўғрилик) бўйича жиноят иши қўзғатилган. Тергов олиб борилмоқда.

Бу ҳуқуқбузарлик учун БҲМнинг эллик бараваригача жарима, уч юз олтмиш соатгача мажбурий жамоат ишлари, икки йилгача ахлоқ тузатиш ишлари, бир йилдан уч йилгача озодликни чеклаш, уч йилгача озодликдан маҳрум этиш белгиланган.

Ўзбекистон бўйлаб янгиликлар: Telegram-каналга уланинг 

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...