Ўзбекистон, Тошкент - Batafsil.uz. Бухоро вилоятида икки ўғилнинг онаси турмуш ўртоғи бошқа аёлга уйланмоқчи эканлигини билганидан сўнг ўз жонига қасд қилишга қарор қилди.
Бу ҳақда Олий суд матбуот хизмати хабар берди.
Ҳодиса 9 март куни "Юзон" маҳалласида содир бўлган. Аёл аввал тўнғич ўғлини сувга ташлаб юборди, сўнг ўзи ҳам кичик ўғлини кўтариб сувга сакради. Каттасини гувоҳлар қутқариб қолишган, кичигини ўзи олиб чиққан. Болалар шифохонага етказилган, улар жабрланмаган.
Аёлга нисбатан Жиноят кодексининг 97−25-моддаси 2-қисми ("Икки ёки ундан ортиқ шахсни ожиз аҳволда ўлдиришга суиқасд қилиш") билан жиноят иши қўзғатилган. Суд уни 4 йилга озодликдан маҳрум қилди.
Аввалроқ Наманган вилоятида суд турмуш ўртоғининг укасини ўлдирган эркакни озодликдан маҳрум қилганди. Можарога аёлнинг бирга яшашни давом эттиришдан бош тортиши сабаб бўлган.
Изоҳлар мавжуд емас