Ўзбекистон, Тошкент - Batafsil.uz. Тошкент шаҳрида яшовчи фуқаро ўйинчоқ тўппонча ёрдамида банкни ўмаришга урингани учун 5 йилга озодликдан маҳрум этилди.
Жиноят ишлари бўйича Юнусобод туман суди шундай қарор чиқарди.
Эслатиб ўтамиз, воқеа 18 апрель куни содир бўлган. Ўшанда навбатчилик қисмига банк хизматлари марказларидан биридан ташвиш сигнали келиб тушган. Воқеа жойига тезкор гуруҳ зудлик билан етиб борган.
Воқеа жойига етиб борган қўриқлаш хизмати ходимлари номаълум фуқаронинг банк ходимидан пул талаб қилаётганини аниқланган.Қўриқчиларни пайқаган эркак ойнани синдириб, яширинишга уринган, бироқ воқеа жойида қўлга олинган. Суриштирув давомида қўлга олинган шахс Қибрай туманида яшовчи фуқаро эканлиги аниқланган. У қўрқитмоқчи бўлган нарса ўйинчоқ тўппонча бўлгани аниқланган.
Судда айбланувчи ўз айбини тан олди ва қилмишини шахсий қийинчиликлар билан изоҳлади. Унинг сўзларига кўра, у оғир руҳий ҳолатда бўлган ва набирасига тегишли бўлган тўппончадан фойдаланган. Эркак, шунингдек, банкда видеокамералар ва қўриқчилар борлигини билмаганини айтди.
Қурол ўқталган банк ходими фуқаролик даъвосини беришдан бош тортди ва суддан адолатли, аммо ҳаддан ташқари бўлмаган жазо тайинлашни сўради.
Дастлаб прокурор 9 йилга озодликдан маҳрум қилишни талаб қилган. Натижада, суд айбдорнинг пушаймонлиги, етказилган зарарнинг йўқлиги ва ишлатилган "қурол"ни инобатга олиб, босқинчилик моддаси бўйича умумий режимдаги колонияга 5 йил муддатга ҳукм қилди.
Изоҳлар мавжуд емас