Ўзбекистон, Тошкент - Batafsil.uz. Дин ишлари бўйича қўмита томонидан ўтказилган текширувда Фарғона вилояти Риштон шаҳрида фаолият юритувчи "RISHTON PARVOZ TRANS" турфирмаси лицензиясиз "Умра" тадбирини ташкил этгани аниқланди. Мазкур қонунбузилиш ҳолати юзасидан турфирмага нисбатан белгиланган тартибда жарима қўлланилди.
Амалдаги қонунчиликка мувофиқ, "Умра" тадбирларини ташкил этиш ва ўтказиш бўйича фаолиятни лицензиясиз амалга оширганлик учун юридик шахсларга БҲМнинг 200 баравари (82,4 млн сўм) миқдорида жарима солиниши белгиланган. Қўмита фуқароларни турли кўнгилсиз ҳолатларга тушиб қолмаслик учун фақат ишончли ва кафолатланган хизматлардан фойдаланишга чақирган.
Аввалроқ Наманган шаҳрида Maryam Travel компанияси раҳбари тўрт нафар фуқарони ноқонуний равишда Умра зиёратига юборишни ваъда қилиб, 6000 долларни олаётган вақтида ҳуқуқ-тартибот идоралари томонидан ашёвий далиллар билан ушланганди.
Изоҳлар мавжуд емас