Ўзбекистон, Тошкент - Batafsil.uz. Афғонистонда 2,4 миллионга яқин қиз ўрта мактабда таълим олиш имконидан маҳрум бўлиб, бу кўрсаткич ўтган йилга нисбатан 200 мингга ошди. БМТнинг Таълим, фан ва маданият масалалари бўйича ташкилоти (ЮНЕСКО) "Толибон" ҳукуматини аёллар таълимига қўйилган чекловларни бекор қилишга чақирди.
Хорижий оммавий ахборот воситалари хабарларига кўра, 2030 йилга бориб бу рақам 4 миллионга етиши ва 11 мингдан ортиқ малакали аёл ўқитувчи етишмовчилиги юзага келиши мумкин. Афғонистон қизлар ва аёлларга ўрта мактаб ҳамда университетларда ўқишни тақиқлаган дунёдаги ягона давлат бўлиб қолмоқда.
Шунингдек, "Толибон" ҳокимиятга келганидан бери аёлларнинг таълим олиши, ишлаши, тиббий хизматлардан эркин фойдаланиши ва жамоат жойларига ташриф буюришига доир кўплаб чекловларни жорий этган.
Аввалроқ БМТнинг Жаҳон озиқ-овқат дастури (WFP) Афғонистонда озиқ-овқат инқирози тобора кучаяётганидан огоҳлантирганди.
Изоҳлар мавжуд емас