Ўзбекистон, Тошкент – Batafsil.uz. Когонда аёлнинг меҳмондўстлигини нотўғри талқин қилган эркак пичоқ билан зарба олган. Бу ҳақда ИИВ маълумотларига ҳавола қилган ҳолда мухбиримиз хабар бермоқда.
Ҳодиса 2 январи куни соат 01: 00 атрофида содир бўлган. Қирқ ёшли эркак Когон шаҳридаги Маданият кўчасида яшовчи 35 ёшли аёл танишининг уйига борган. Спиртли ичимликларни истеъмол қилиш пайтида улар ўртасида жанжал келиб чиққан, натижада аёл ғазабланиб, суҳбатдошининг қорнига пичоқ билан урган.
Натижада, эркак касалхонага ётқизилган. Ушбу ҳолат бўйича Жиноят кодексининг 104-моддаси 1-қисми (қасддан тан жароҳати етказиш) бўйича жиноий иш қўзғатилган.
Тергов давомида ушбу натижага олиб келган ҳақиқий сабаб аниқланган. Маълум бўлишича, жабрланувчи маст бўлиб, ўзи билан бир шиша ароқ олиб, аёл танишининг уйига борган. У ерда аёл билан спиртли ичимликларни ичишни давом эттирган.
Кейин эркак унга тегажонлик қила бошлаган, бу жанжал ва ўзаро ҳақоратларга сабаб бўлган.
Ўша пайтда аёлнинг шаърий турмуш ўртоғи ҳам уйда бўлган. У қўшни хонадан жанжални эшитиб қолган ва можарога аралашган. Бироқ, меҳмоннинг бундай хатти-ҳаракатларидан хафа бўлган аёл ғазабланиб, пичоқ билан урган.
Ички ишлар вазирлиги тергов ҳаракатлари давомида жиноятнинг барча иштирокчиларининг ҳаракатларига ҳуқуқий баҳо берилишини маълум қилган. Ҳозирги вақтда тергов давом этмоқда.
Изоҳлар мавжуд емас