Ўзбекистон, Тошкент – Batafsil.uz ЯА. Марғилонда (Фарғона вилояти) Маъмурий суд автомобилларни тўхташ қоидаларини бузганлик ва ҳуқуқни муҳофаза қилиш идоралар ходимларига бўйсунмагани учун 19 нафар "Дамас" ҳайдовчиларини ҳибсга олиш тўғрисида ҳукм чиқарган. Бу ҳақида ИИББ берган маълумотга асосланиб, мухбиримиз хабар бермоқда.
Ҳайдовчилар микроавтобусларни шаҳарнинг асосий кўчаларидан бирида жойлашган савдо маркази рўпарасидаги пиёдалар ўтиш жойига қўйишган.
“Дамас”лар бошқа машиналар ва пиёдаларнинг ҳаракатига халақит бераётгани ҳақидаги хабарни олгач, воқеа жойига ҳуқуқни муҳофаза қилиш ходимлари етиб келишган. Улар ҳайдовчилардан йўлни бўшатишларини талаб этишган. Аммо улар ички ишлар идоралари ходимларининг кўрсатмаларини бажаришдан бош тортишган.
Марғилон Маъмурий судининг қарори билан олтита ҳайдовчи 15 кунлик, саккиз нафари 10 кунлик ва беш нафари 5 кунлик қамоқ жазосига ҳукм қилинган.
Улар Маъмурий жавобгарлик тўғрисидаги кодекснинг 183 (майда безорилик), 194 (ички ишлар ходимининг қонун талабларига риоя қилмаслик) ва 195 (Миллий гвардия ҳарбий хизматчиси (ходими) нинг қонуний талабларига риоя қилмаслик) моддалари бўйича судланган.
Изоҳлар мавжуд емас