Ўзбекистон, Тошкент - Batafsil.uz. Москвада 33 ёшли Ўзбекистон фуқароси "Катиба Тавҳид вал-Жиҳод" халқаро террорчилик ҳамжамияти жангариларини молиялаштиришга ёрдам бергани учун 15 йилга қаттиқ режимли колонияга ҳукм қилинди.
Суд материалларига кўра, аёл Сурия ҳудудида жанг қилаётган шахсларга ёрдам кўрсатган. 2022 йил октябрь ойида у Москвада бўлганида радикалларга банк картаси реквизитлари ва мобил банкдан фойдаланиш имкониятини тақдим этган. Картага бошқа шахсдан 6,5 минг рубль келиб тушган, кейинчалик у террорчилик фаолиятини молиялаштиришга йўналтирилган.
Ўзбекистонлик аёл терроризмни молиялаштиришга кўмаклашиш моддаси бўйича айбдор деб топилди. Аёлнинг ўзи айбини тан олмади.
Изоҳлар мавжуд емас