Ўзбекистон, Тошкент – Batafsil.uz. 1-2 июль кунлари Нукусдаги тартибсизликлар ишида айбланувчилардан бири Даулетмурат Тажимуратов "қалбининг поклигини исботлаш"учун суд залига Қуръон олиб келишни сўраган. Бу ҳақда мухбиримиз хабар бермоқда.
Душанба куни Бухоро вилоят судида Нукусдаги тартибсизликларга оид жиноий иш бўйича суд жараёни очилди. Ишда 22 киши айбланмоқда. Ҳозирда 20 нафар судланувчи ҳибсда, 1 нафари уй қамоғида ва 1 нафари жамоат кафолати остида озод қилинган.
Aйбланувчилардан бири Даулетмурат Тажимуратов "қалбининг поклигини исботлаш учун" Қуръон келтиришни илтимос қилди. Суд бу талабни рад етди, чунки Ўзбекистон қонунчилигида бундай ҳуқуқий механизм мавжуд эмас.
Суд, шунингдек, тартибсизликлар натижасида этказилган зарарнинг умумий миқдорини эълон қилди. Айблов хулосасига кўра, зарар 6,6 миллиард сўмдан ошган.
Яна бир қизиқ факт – айбланувчилар орасида Қорақалпоғистон Республикаси Ички ишлар вазирлиги Жиноят қидирув бошқармаси бошлиғи Полат Шамшетов ҳам бор. У Жиноят кодексининг 244-моддаси 3-қисмида (оммавий тартибсизликлар) назарда тутилган жиноятларни содир этганликда айбланмоқда.
Айбланувчиларнинг тўлиқ рўйхати ва уларга қўйилган моддалар билан бу ерда танишиш мумкин.
Изоҳлар мавжуд емас