Ўзбекистон, Тошкент - Batafsil.uz. Самарқанд вилоятининг Пастдарғом туманидаги "Камолот" маҳалласи аҳолиси узоқ вақт давомида кечаси билан тарқалмаган чидаб бўлмас ўткир ҳидли қуюқ тутундан азият тортиб келган.Туман маъмурияти ҳудудни ўрганиб, чўчқа боқаётган фермер ҳавони бузиб қўйганини аниқлади.
Тадбиркор икки йил давомида 40 сотих ёпиқ майдонда чўчқачилик билан шуғулланган. Кечалари молларга ем-хашак тайёрлаш учун автомобиль шиналарини ёқиб юрган. Аввалроқ у ҳудудга киришни бутунлай ёпиб қўйган ва бир неча ой давомида ҳокимлик ишчи гуруҳини ичкарига киритмаган. Шу боис 3 декабрь куни ўтказилган текширувга ҳуқуқ-тартибот идоралари ходимлари жалб этилган.
Фермернинг зарарли ҳаракатларига чек қўйилди, тадбиркорга нисбатан чора кўрилади. Дастлабки маълумотларга кўра, унинг фермер хўжалиги чўчқа боқиш учун экологик назорат ва санитария-эпидемиология хизмати органларидан рухсат олмаган.
Эслатиб ўтамизки, Ўзбекистонда иссиқхона хўжаликларини иситиш учун шина ва мазут ёқиш учун жиноий жавобгарлик жорий этилади.
Изоҳлар мавжуд емас