Ўзбекистон, Тошкент - Batafsil.uz. Блогер ва тадбиркор Санжар Каримов (Real Sanjik) ўзига нисбатан чиқарилган суд ҳукми юзасидан БМТнинг инсон ҳуқуқлари бўйича Олий комиссари ва Ноқонуний ҳибсга олишлар бўйича Ишчи гуруҳига мурожаат қилди. Унинг онаси ва опаси эса АҚШ фуқаролари сифатида блогер иши бўйича АҚШ давлат органларидан ёрдам сўраган.
КаримовМирзо Улуғбек тумани суди ҳукми билан таҳдид, фирибгарлик ва гиёҳвандлик воситалари билан боғлиқ жиноятларда айбланиб, 5 йилга озодликдан маҳрум қилинган. Айни пайтда иш апелляция босқичида кўрилмоқда.
Блогер БМТга йўллаган мурожаатида ўзига нисбатан суд жараёнида қонунбузарликларга йўл қўйилгани ва чиқарилган ҳукм адолатсиз эканини билдирган.
Унинг таъкидлашича, унга қўйилган гиёҳвандлик воситаларини сотиш билан боғлиқ айблов асоссиз. Каримов судда далил сифатида олинган наркотик воситалари ҳам ноқонуний тарзда қўлга киритилганини билдирган.
Мурожаатда БМТ Инсон ҳуқуқлари қўмитаси аъзоси, академик Акмал Саидовнинг бу иш бўйича хулосалари ҳам суд томонидан инобатга олинмаётгани қайд этилган.
Шу билан бирга, Санжар Каримовнинг онаси ва опаси АҚШ Давлат котиби, АҚШ Адлия департаменти ҳамда Ўзбекистон Президенти Администрациясининг АҚШдаги вакили Комил Алламжоновга мурожаат қилиб, блогерга нисбатан чиқарилган суд ҳукми юзасидан ёрдам сўраган.
Ишни кузатаётган инсон ҳуқуқлари фаоли эса Каримовга нисбатан гиёҳвандлик воситалари билан боғлиқ айблов уйдирма экани ва у мазкур айбловдан озод қилиниши кераклигини билдирган.
Маълумот учун, Тошкентда Real Sanjik номи билан танилган блогер Санжар Каримовга ҳукм ўқилиб, айбдор деб топилганди. Каримов 5 йилга озодликдан маҳрум этилган эди.
Изоҳлар мавжуд емас