Ўзбекистон, Тошкент - Batafsil.uz. Россия Федерал хавфсизлик хизмати Кубандаги нефтни қайта ишлаш саноат объектига уюштирилган терактнинг олдини олган. Уни Ўзбекистон фуқароси халқаро террорчилик ташкилотига аъзо бўлиш учун амалга оширишни режалаштирган.
Жиноятни содир этиш учун ўзбекистонлик шахс кураторнинг топшириғи билан “Молотов коктейли” тайёрлаган. У нефтни қайта ишлаш обектларидан бирининг ётоқхона биносига ўт қўйишни ва содир этилган жиноят видеосини интернетга жойлаштириб, аҳолини қўрқитишни режалаштирган. Кейинчалик эркак Афғонистонга бориб, халқаро террорчилик ташкилоти сафига қўшилмоқчи бўлган.
Россия Федерал хавфсизлик хизматининг Краснодар ўлкаси бўйича бошқармаси тергов бўлими қўлга олинган шахсга нисбатан учта жиноий модда бўйича: 30 (Жиноятга тайёргарлик кўриш), 205 (Террорчилик ҳаракати), шунингдек, 205.5 (Террорчилик ташкилоти фаолиятида иштирок этиш) бўйича жиноий иш қўзғатган. Тергов олиб борилмоқда.
Аввалроқ яна бир Ўзбекистон фуқароси радикал диний блогерларнинг каналларига обуна бўлгани учун Россияга киритилмаган эди. Бундан ташқари, унинг смартфонидан террорчилик ташкилотлари фаолиятига бағишланган видео топилган.
Изоҳлар мавжуд емас