Ўзбекистон, Тошкент – Batafsil.uz. Сўх туманида яшовчи олти кишига нисбатан жиноий иш қўзғатилган. Улар ҳокимиятга қаршилик кўрсатиш ва оммавий тартибсизликларда иштирок этганликда айбланмоқда. Бу ҳақида мухбиримиз хабар берди.
Бош прокуратура бугун маълум қилишича, жиноят ишлари 2020 йил 1 июнда Фарғона вилояти прокуратураси томонидан очилган. Олти нафар ўзбекистонлик Жиноят кодексининг 219 (ҳокимият вакили ёки фуқаролик бурчини бажараётган шахсга қаршилик кўрсатиш) ва 244 моддалари (оммавий тартибсизлик) бўйича айбланмоқда. Ҳозирда айбланувчилар ҳибсга олинган.
Эслатиб ўтамизки, 31 май куни ўзбек-қирғиз чегарасида келиб чиққан можаро натижасида 187 нафар ўзбекистонлик ва 25 нафар Қирғизистон фуқароси жабрланган. Чашмани тозалаш жараёнида Қадамжой тумани (Қирғизистон) Чечме кишлоғи ва Сўх анклавидаги (Ўзбекистон) Чашма қишлоқлари аҳолиси ўртасида жанжал келиб чиққан ва одамлар бир бировларини тошбўрон қилишган.
Воқеа Президентлар Шавкат Мирзиёев ва Сооронбай Жээнбеков ўртасида бўлиб ўтган телефон орқали мулоқот чоғида муҳокама қилинган. 9 июн куни Фарғона вилояти ҳокими Шуҳрат Ғаниев Қирғизистоннинг Боткен вилояти губернатори Алишер Абдураҳмонов билан учрашиб, трансчегаравий сув ресурслари ва яйловлардан фойдаланиш масалаларини муҳокама қилишган эди.
Изоҳлар мавжуд емас