Ўзбекистон, Тошкент - Batafsil.uz. Тошкент вилоятининг Чиноз туманида 22 август куни эрталаб кўп қаватли уйнинг том қисмида ёнғин содир бўлди. Ҳодиса оқибатида барча аҳоли эвакуация қилинган, жабрланганлар йўқ.
Вилоят Фавқулодда вазиятлар бошқармасига ёнғин ҳақида Чиноз туманидаги "Бунёдкор" маҳалласи, Шароф Рашидов кўчасида жойлашган кўп қаватли уйда ёнғин чиққанлиги ҳақида соат 08:17 да хабар берилган.
Воқеа жойига ёнғин-қутқарув бўлинмалари етиб бориб, ёнғинни ўчиришга киришган. Соат 09:10 да ёнғин тарқалиши тўхтатилган, 09:35 да эса тўлиқ бартараф этилган.
Ҳозирда ёнғин келиб чиқиш сабаби ва етказилган зарар миқдори аниқланмоқда.
Аввароқ Наманган шаҳридаги Мингчинор маҳалласида қурилиш материаллари сотиладиган савдо расталаридан бирида ёнғин юзага келганди.
Изоҳлар мавжуд емас