Загрузка
Загрузка
Сардоба  сув омбори тўғонининг ўпирилиши бўйича айбланганлар сони 17 кишигача кўпайди
Ҳодисалар

Сардоба сув омбори тўғонининг ўпирилиши бўйича айбланганлар сони 17 кишигача кўпайди

913
Загрузка

Ўзбекистон, Тошкент – Batafsil.uz. Коррупцияга қарши курашиш агентлиги маълумотларига ҳавола қилган ҳолда мухбиримиз хабар беришича, Сардоба сув омбори тўғонининг ўпирилиши бўйича айбланганлар сони 17 кишигача кўпайган.

Эслатиб ўтамизки, илгарироқ Бош прокуратура ҳибсга олинган тўққиз нафар айбланувчи ҳақида маълум қилган эди. Улар Жиноят кодексининг бешта моддаси (167, 205, 207, 209, 258) бўйича айбланган. 

Коррупцияга қарши курашиш агентлиги берган маълумотга кўра, 17 нафар айбланувчидан еттитаси ҳибсга олинган, олтитаси гаров эвазига қўйиб юборилган ва тўрттаси тилхат асосида чиқарилган. 

Айбланувчилар орасида буюртмачи "Сирдарё сув қурилиш инвест" ДУК, "Ўзгип" лойиҳачи, бош пудратчи "Ўзтемирйулкурилишмонтаж" УК, пудратчилар "Резаксой Сув қурилиш"," Омад Дубл", "Сариосиё қурилиш", "Транс сервис комплекс", "Топаланг Шеробод" ходимлари, шунингдек, Сув хўжалиги вазирлиги мутасаддилари бор.

"Мазкур иш бўйича тергов малакали мутахассислардан иборат комиссия томонидан олиб борилмоқда. Айбдорларни аниқлаш билан бирга зарарни қоплаш чоралари кўрилмоқда", - дейилмоқда Агентлик берган хабарда.

Эслатиб ўтамизки, 1-май куни эрталабки кучли ёмғир ва тўфон оқибатида Сардоба сув омборининг тўғони қисман қулаган эди. Натижада аҳоли пунктлари, алоқа тармоқлари ва қишлоқ хўжалиги ҳудудлари жиддий зарар кўрган.

Тўғоннинг ўпирилиши оқибатида 70000 га яқин киши эвакуация қилинган ва 56 киши шифохонага ётқизилган. Жами 17,3 минг фуқаро шифокорлар кўригидан ўтказилган. 

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...