Ўзбекистон, Тошкент - Batafsil.uz. Сирдарё вилояти Ховос туманида Shacman юк машинаси ва Captiva иштирокидаги ЙТҲ оқибатида енгил автомобиль ҳайдовчиси ва икки нафар йўловчи ҳалок бўлди. Ҳодиса 9 август куни М-34 "Тошкент–Душанбе" халқаро автомобиль йўлининг 125-километрида содир бўлган.
Сирдарё вилояти ИИБ маълум қилишича, соат 10:30 атрофида Shacman русумли транспорт воситаси қайрилиб олаётган вақтда шу йўналишда йўлнинг чап бўлагида ҳаракатланаётган Captiva билан тўқнашган.
Тўқнашув оқибатида Captiva ҳайдовчиси ва икки нафар йўловчи воқеа жойида вафот этган. Ижтимоий тармоқларда тарқалган видеоларда ЙТҲдан сўнг ёнғин содир бўлганини кўриш мумкин.
Ҳолат юзасидан Сирдарё вилояти ИИБ ҳузуридаги Тергов бошқармаси Жиноят кодексининг 266-моддаси 3-қисми "а" банди билан жиноят иши қўзғатган. Ҳозирда тергов ҳаракатлари олиб борилмоқда.
Изоҳлар мавжуд емас